دكتورة عراقية اسمها بان

الموضوع ببساطة إن الدكتورة “بان” دي طبيبة نفسية مشهورة، واسمها بالكامل بان زياد طارق.

كانت فاتحة عيادة معروفة في البصرة، وكمان ليها شهرة كبيرة على مواقع التواصل الاجتماعي، وعندها متابعين كتير لأنها كانت بتقدّم نصايح نفسية للناس.

لكن الغريب إنها فجأة اختفت!

ومع زيادة الأسئلة من متابعيها وأصدقائها، أهلها أعلنوا إنها أنهت حياتها بنفسها بسبب ضغوط نفسية كانت بتمر بيها.

إنما هنا تبدأ الغرابة… لأن أهلها اتأخروا فترة طويلة جدًا قبل ما يبلغوا عن اللي حصل. ولما الجهات المسؤولة دخلت المكان وعاينت، اكتشفوا حاجة صادمة:

لقوا مكتوب على جدار الغرفة جملة: “أريد الله”، ومكتوبة بجُرح من جروحها، والكتابة كانت بسُمك حوالي ٣ سم.

جسدها كان مليان كدمات وجـ.|{روح} في الوجه والرقبة، وكمان لَقوا جـ.|{رح} في معصمها طوله حوالي ٩ سم، وكان عميق لدرجة إنه واصل للعظم.

كمان لاحظوا إن كاميرات المراقبة في المكان كانت متعطلة بفعل فاعل في نفس الفترة اللي حصلت فيها الواقعة.

والأغرب من كده، إن أهلها قبل ما يبلغوا أصلاً كانوا نظفوا مكان الحادث من غير إذن رسمي.

وزميلاتها أكدوا للشرطة إنها ماكانتش مضغوطة نفسيًا ولا مكتئبة، بالعكس كانت كويسة. وقالوا: لو كانت عايزة تنهي حياتها فعلًا، كانت ممكن ببساطة تبلع أقراص مهدئة وتخلص الموضوع، لأنها طبيبة وعارفة الطرق دي كويس.

يعني باختصار، كل الدلائل بتقول إن اللي حصل مش إنهاء طبيعي للحياة… إنما فيه حد عمل كده!

ومن هنا بدأت التكهنات والاحتمالات:

الاحتمال الأول: إن أخوها هو اللي ممكن يكون عمل كده، وهو مش في وعيه، وفيه كلام إنه كمان اعتدى عليها.

الاحتمال التاني: إنها اتقدمت كقربان لغرض معين، فيه ناس بتقول لأسباب سياسية، وناس تانية بتقول لأسباب مذهبية.

الاحتمال التالت: وده الأخطر… إن الدكتورة “بان” كانت مشرفة ورئيسة لجنة التقييم النفسي لشخص اسمه ضرغام التميمي، واللي هو بالمناسبة يبقى أخو مرات محافظ البصرة أسعد العيداني.

القصة دي بدأت من حوالي ٩ شهور، لما ضرغام – وكان أستاذ جامعي – أعجب بطالبة عنده اسمها سارة العبودة. حاول يتقدملها لكن البنت رفضت بسبب فرق السن الكبير بينهم. الراجل اتضايق جدًا وقرر يتخلّص منها! والموضوع كان ممكن يمرّ عادي لولا إن شخص صوّر الحوار اللي حصل، فالقضية وصلت للمحكمة.

وقتها الدكتورة “بان” اتعيّنت علشان تعمل تقييم لحالته النفسية. يعني لو قالت إنه “مش في وعيه”، كان ممكن يطلع براءة. لكن بعد ما كشفت عليه، لقت إنه طبيعي جدًا، وكتبت التقرير كده. بعدها بدأوا يضغطوا عليها علشان تغيّر التقرير، لكنها رفضت وأصرّت على رأيها.

وهنا بقى – حسب الكلام المتداول – حصل اللي حصل معاها. والغريب إن بعدها بفترة قصيرة التقرير اتغير فعلًا لصالح “ضرغام”!

كل الأحداث الغامضة دي، من تأخير التبليغ، لتعطيل الكاميرات، لتنضيف مكان الحادث، كلها بتخلي القصة غامضة ومريبة جدًا.

وفي الآخر، تفضل كل دي مجرد تكهنات. الحقيقة محدش يعرفها لحد دلوقتي.

بس السؤال اللي باقي:

إيه اللي حصل فعلاً للدكتورة “بان”؟ هل فعلاً أنهت حياتها؟ ولا فيه جر,يمة اتغطّى عليها؟

المصادر يا عزيزي القارئ علشان لو حابب يتأكد بنفسك.

المصادر اللي اتكلمت عن الموضوع…

1. وكالة ناس الإخبارية – خبر عن وفاة الدكتورة بان زياد طارق في البصرة والجدل حول ظروف رحيلها.

2. موقع بغداد اليوم – تقرير عن العثور على الطبيبة بان داخل عيادتها في ظروف غامضة.

3. السومرية نيوز – تغطية عن ملابسات وفاة الطبيبة بان زياد ومطالبات بالتحقيق.

4. شفق نيوز – تفاصيل أولية عن وفاة الطبيبة بان زياد في البصرة والغموض الذي يحيط بالقضية.

5. موقع الحرة – مقال يتناول قصة الدكتورة بان زياد، وملابسات وفاتها وردود أفعال الشارع العراقي.

6. سكاي نيوز عربية – خبر حول وفاة الطبيبة بان زياد طارق والتساؤلات المثارة حولها.